Maliqi: 10 % e deputetëve të opozitës kanë marrë garanci për të qenë vitin tjetër në Kuvend - Bota Sot
Maliqi: 10 % e deputetëve të opozitës kanë marrë garanci për të qenë vitin tjetër në Kuvend

Shqipëria

Maliqi: 10 % e deputetëve të opozitës kanë marrë garanci për të qenë vitin tjetër në Kuvend

Më: 1 korrik 2020 Në ora: 14:40
Lefter Maliqi

Deputeti Lefter Maliqi tha në intervistë në studion e Ora News se opozita e bashkuar fiton bindshëm në zgjedhjet e ardhshme parlamentare. I bindur për humbje të thellë të kreut të Qeverisë, Maliqi thotë se 10 përqind e deputetëve aktualë nga opozita parlamentare, kanë marrë garancinë e Edi Ramës për të qenë deputetë edhe në legjislaturën e ardhshme.

Sipas tij, Kryeministri po bën gjithçka që të pengojë koalicionet parazgjedhore, por nuk ka për t’ia arritur dot.

I pyetur për Presdientin Meta në lidhje me Gjykatën Kushtetuese, deputeti Maliqi nënvizon se kreu i shtetit ka krijuar pjekurinë e duhur politike, edhe pse jo pak herë është përballur me thika pas shpine.

Bashën si Kryeministër e sheh ndryshe nga Edi Rama, dhe deklaron me bindje se ka ardhur koha që të jetë në këtë post.

Sot mund të lexoni Shfletoni kopertinat