"Koha për kthimin e shqiptarëve në vendin e tyre", Meta ndan foton nga Ambasada gjermane

Shqipëria

"Koha për kthimin e shqiptarëve në vendin e tyre", Meta ndan foton nga Ambasada gjermane

Më: 2 korrik 2020 Në ora: 09:46
Foto

Kjo foto është shkrepur 30 vjet më parë brenda Ambasadës gjermane në Tiranë, ku rreth 3200 shqiptarë nisën një jetë të re në liri.

Presidenti Ilir Meta thotë se hapja e dyerve të Ambasadës gjermane goditi në zemër diktaturën më të egër në Europë.

Por sot 30 vite më pas, Meta nënvizon se në emër të këtyre sakrificave të jashtëzakonshme njerëzore duhet të përmbushim sa më parë të gjitha kushtet, që të nisim negociatat e anëtarësimit me BE gjatë Presidencës gjermane.

Kreu i Shtetit vlerëson se Presidenca gjermane e BE është një mundësi e shkëlqyer, dhe një sprovë e vërtetë për çdokënd që për Shqipërinë Europiane jo vetëm flet por edhe punon.

Meta: Mirënjohje të gjithë shqiptarëve që me guximin e tyre 30 vite më parë i dhanë Shqipërisë një drejtim të ri. Koha për të përmbushur ëndrrën e çdo qytetari: Shqipëria si gjithë Europa. Koha për kthimin e shqiptarëve në vendin e tyre.

commentFirst article
Sot mund të lexoni Shfletoni kopertinat