Instituti i Sigurisë Ushqimore dhe Veterinarisë ka akredituar gjatë këtij viti 49 teste të reja analizash, nga 53 të tilla që ka pasur deri në vitin 2019. Ministri i Bujqësisë dhe Zhvillimit Rural, Bledi Çuçi, bëri një vizitë në këtë institucione së bashku me drejtuesin Armand Reveli u shpreh se akreditimi i shërben planit kombëtar të monitorimit.
Ministri i Bujqësisë Bledi Çuçi, zhvilloi një takim në Institutin e Sigurisë Ushqimore dhe Veterinarisë, i cili ka akredituar 49 teste të reja analizash nga 53 të tilla që ka pasur deri në vitin 2019.
Drejtuesi i institutit Armand Reveli u shpreh se 49 testet i shërbejnë planit kombëtar të monitorimit, rekomandimeve të Brukselit dhe mbështetjes së eksportit të produkteve bujqësore.
Armand Reveli: Zgjerimi i këtyre testeve do të thotë besueshmëri për biznesit dhe konsumatorët.
Përpos akreditimit të 49 testeve, në institutin e laboratorit për analizat e Sigurisë Ushqimore ka përfunduar dhe rikonstruksioni i godinës, që i ka kushtuar qeverisë shqiptare rreth 33 milionë lekë.
