Zyrtare/ PS kërkon hapjen e listave dhe garanton: Dakordësia e 5 qershorit nuk preket

Shqipëria

Zyrtare/ PS kërkon hapjen e listave dhe garanton: Dakordësia e 5 qershorit nuk preket

Më: 10 korrik 2020 Në ora: 14:44
Edi Rama

Partia Socialiste  deklarohet pro hapjes së listave por nga ana tjetër garanton se nuk do të preket asnjë prej amendamenteve të kodit të ri zgjedhor të dakordësuar në marrëveshjen e 5 qershorit me opozitën jashtë kuvendit.

Qëndrimi u bë publik sot nga kryeministri Rama dhe kreu i grupit parlamentar të PS-së, Taulant Balla në një dalje për mediat.

Balla: Qëndrimi zyrtar i grupit parlamentar të PS është se ne jemi dakord në parim me tre ndryshimet e propozuara. Na rezulton se shqiptarët duan jo vetëm të shprehin një votë për partinë dhe kryetarin e partisë, por edhe një votë parapëlqyese për njërin prej kandidatëve në listën e secilës prej partive që marrin pjesë në zgjedhje. E mbështesim në parim nismën e deputetëve të opozitës parlamentare.Mbështesim një hapje të listave.

Gjithçka është dakordësuar në marrëveshjen e 5 qershorit nuk do të preket. Kodin zgjedhor është depozituar në 1 korrik, me 15 korrik komisionin i ligjeve do ti diskutojë, nuk do të preket asnjë prej amendamenteve. Janë dy procese që ecin në mënyrë indipendente nga njëra-tjetra.

Edi Rama: Pas një procesi të gjatë dhe të vonuar për reformën zgjedhore. Arsyet e vonesave i dini.Në Kuvend ka hyrë në proces sipas të gjitha rregullave të procedurës qoftë pasqyrimi pikë për pikë i marrëveshjes së bërë me opozitën jashtëparlamentare, qoftë dhe nisma e opozitës parlamentare.

Qëndrimi i PS vjen vetëm një ditë pas 6 deputetë të opozitës parlamentare deklaruan votën e tyre pro miratimit të kodit të ri zgjedhor të dakordësuar në marrëveshjen e 5 qershorit.

Kjo marrëveshje të votohet në datë 23 korrik në Kuvend.

Me 75 deputetët që ka shumica socialiste në Kuvend, duke iu bashkuar vota e Tom Doshit dhe dy deputetëve të PDIU-së shkon në 78 deputetë. 

Këtyre duke iu bashkuar dhe votat e 6 deputetëve të opozitës parlamentare që dolën sot para kryesisë së Kuvendit dhe dhanë mbështetjen e tyre pro Kodit të Ri Zgjedhor  sigurojnë 84 votat që duhet për ta miratuar atë në Kuvend.

commentFirst article
Sot mund të lexoni Shfletoni kopertinat