Denoncoi disa persona për “shfrytëzim seksual”, kërcënohet me tritol familja e 17-vjeçares

Shqipëria

Denoncoi disa persona për “shfrytëzim seksual”, kërcënohet me tritol familja e 17-vjeçares

Më: 13 korrik 2020 Në ora: 09:19
Foto ilustrim

Kërcënohet me tritol familja e 17vjeçares nga Fushë Kruja e cila denoncoi se ishte shfrytëzuar seksualisht nga 6 persona, 4 prej të cilëve tashmë të arrestuar, ndërkohë dy të tjerë janë shpallur në kërkim.

Pak pas mesnate nëna e adoleshentes gjeti para derës së shtëpisë në periferi të Fushë Krujës një pako me tritol. Fatmirësisht lënda plasëse ajo nuk ka plasur.

E zonja e shtëpisë ka njoftuar menjëherë policinë. Në banesë mbërritën forcat xheniere të cilët bënë të mundur çaktivizimin e tritolit. Arrestimi i tyre erdhi pas një hetimi 8 mujor. Nga hetimet e kryera ka rezultuar se të arrestuarit në bashkëpunim me njëri-tjetrin prodhonin dhe shisnin lëndë narkotike.

Madje ata kanë nxitur për përdorimin e drogës edhe 17-vjeçaren dhe e kanë shfrytëzuar seksualisht. Në prangat e Policisë kanë rënë: E. C. (Ç)., 28 vjeç; F. L., 25 vjeç, i dënuar më parë për veprën penale “Prodhimi dhe shitja e narkotikëve” në Itali; L. S., 17 vjeç dhe A. Sh., 26 vjeç, të gjithë banues në Krujë.

Ndërsa në kërkim janë shpallur;  A. B., 23 vjeç, i dënuar më parë për veprën penale “Drejtim i automjeteve në mënyrë të parregullt” dhe A. M., 17 vjeç, të dy banues në Krujë.

Shfaq komentet
comments powered by Disqus
Sot mund të lexoni Shfletoni kopertinat