Dy mjekë raportohet se janë infektuar nga koronavirusi, duke shtuar rastet e të prekurve tek bluzat e bardha.
Mësohet se dy mjekët e infektuar janë në Fier dhe pas shfaqjes së simptomave jnë izoluar në banesë.
Bëhet fjalë për një mjek anestezist të spitalit të Fierit, i cili ka rezultuar pozitiv pas marrjes se tamponit, pasi ka paraqitur simptoma.
Mësohet se mjeku ka qenë gjatë ditëve të fundit në qytetin e Vlorës, ku edhe mund të jetë prekur nga virusi.
Ndërkohë një tjetër mjek, i cili punon në Levan por banon në Fier ka rezultuar pozitiv me Covid, duke bërë që të merren kontaktet e afërta të tij.
Mësohet se edhe një grua ka dalë pozitive ndaj testit, çka pritet të shtojë me 3 numrin e personave të prekur në Fier.
