Kryeministri Edi Rama, ashtu sikur deklaroi më herët në orën 17:00 ka mbërritur në Pallatin e Kongreseve ku po zhvillohet mbledhja e Këshillit Politik për të diskutuar për listat dhe koalicionet. Opozita jashtëparlamentit e ka bojkotuar takimin.
Rama e paralajmëroi opozitën jashtëparlamentare se fakti që nuk duan të vijnë në mbledhjen e Këshillit Politik, nuk do të arrijnë dot të pengojnë ndryshimet kushtetuese. PD-ja deklaroi se sot nuk shkon në mbledhje dhe se nëse PS-ja do, atëherë mund të takohen nesër ose pasnesër.
Në tryezën e Këshillit Politik pasditen e sotme janë edhe përfaqësues nga OSBE dhe SHBA-ja. Nga ambasada e SHBA-së është Ian Crawford, shef i seksionit politik dhe ekonomik, i cili ka qenë edhe në takime të tjera, jo vetëm në këshill, por edhe me opozitën në Kuvend.
