Një tjetër pacient ka ndërruar jetë në spitalin Infektiv, si pasojë e koronavirusit.
Rasti i fundit bën fjalë për një 74-vjeçar nga Kruja, i cili ka ndërruar jetë mbrëmjen e djeshme.
I moshuari ishte shtruar prej afro një jave në spital, pas përkeqësimit të gjendjes shëndetësore.
Me rastin e tij shkon në 129 numri i viktimave qysh nga nisja e pandemisë.
Situata paraqitet e rënduar në spital, ku aktualisht në spitalin Infektiv dhe spitalin “Shefqet Ndroqi” po trajtohen 124 pacientë, 21 janë në terapi intensive dhe 11 pacientë janë të intubuar.
