Një bombol gazi ka shpërthyer mëngjesin e sotëm në qytetin e Pogradecit, ku ka mbetur i plagosur pronari.
Raportohet se rreth orës 06:00 të mëngjesit të sotëm në aksin rrugor Pogradec-Drilon, një banesë dy katëshe ka shpërthyer në flakë.
I zoti i shtëpisë është munduar të ndezë diçka në kuzhinë, por sipas forcave zjarrfikëse, ambienti ka qenë i mbushur nga gazi, i cili më pas ka provokuar edhe flakët.
Nga kjo ngjarje është dëmtuar i zoti i shtëpisë, pasi bashkëshortja ndodhej në katin e dytë të ndërtesës.
Momentalisht ky shtetas po merr mjekim në spital, ndërsa llogariten edhe dëme të shumta materiale në katin e parë të godinës.
