Aksident me pasojë vdekjen në Bypassin e Fierit

Shqipëria

Aksident me pasojë vdekjen në Bypassin e Fierit

Më: 10 gusht 2020 Në ora: 06:11
Pamje nga aksidenti

Një aksident me pasojë vdekjen është shënuar në orët e vona të mbrëmjes së të dielës në Bypassin e Fierit.

Nga të dhënat paraprake bëhet me dije se një person është përplasur për vdekje nga një makinë.

Policia tha zyrtarisht se rreth orës 22:05, në segmentin rrugor Vlorë- Lushnje, në bypassin e Fierit, në fshatin Baltëz, E. Sh., 41 vjeç, banues në Tiranë, duke drejtuar mjetin tip “Benz”, ka aksidentuar Sh. V., 45 vjeç, banues në Baltëz, i cili ishte duke lëvizur në këmbë.

Si pasojë e përplasjes 45-vjeçari ka ndërruar jetë.

Drejtuesi i mjetit është shoqëruar në Komisariatin e Policisë Fier dhe po kryhen veprimet hetimore për zbardhjen e plotë të ngjarjes.

Sot mund të lexoni Shfletoni kopertinat