Firmoset marrëveshja 95 milionë euro me Italinë/ Rindërtimi pas tërmetit, Ahmetaj: Brenda fundit të vitit…

Shqipëria

Firmoset marrëveshja 95 milionë euro me Italinë/ Rindërtimi pas tërmetit, Ahmetaj: Brenda fundit të vitit…

Më: 11 gusht 2020 Në ora: 13:06
Foto nga takimi

Është firmosur sot marrëveshja me qeverinë italiane për të materializuar angazhimin që Italia mori në Konferencën Ndërkombëtare të Donatorëve që t’i ofrojë Shqipërisë prej 95 milionë euro, nga të cilat 5 milionë euro grant për rindërtimin e objekteve publike, që dolën jashtë funksionit nga tërmeti i 26 nëntorit.

Marrëveshja u firmos nga ministri i Rindërtimit, Arben Ahmetaj dhe ambasadori italian, Fabricio Bucci.

“Kredia e butë prej 90 milionë euro do të angazhohet në sektorin e energjisë, për përmirësimin e mëtejshëm të linjave të transmetimit, në zhvillimin e ekonomisë së detit, për përmirësimin e infrastrukturës portuale dhe peshkimit, në rritjen e kapaciteteve për përballimin e fatkeqësive natyrore, me përmirësimin e flotës dhe fuqizimin e burimeve njerëzore të emergjencave civile, ku eksperienca e mirënjohur botërisht e Italisë dhe asistenca e vëllezërve italianë, do të jenë një ndihmë e çmuar për Shqipërinë”, u shpreh Ahmetaj.

Ministri theksoi se brenda fundit të vitit pritet miratimi i gjithë paketës për të cilën është rënë paraprakisht dakord.

Shfaq komentet
comments powered by Disqus
Sot mund të lexoni Shfletoni kopertinat