Meta dekreton ‘Regjistrin e Pronarëve Përfitues/ Të nisë menjëherë transparenca me zotëruesit e aksioneve - Bota Sot
Meta dekreton ‘Regjistrin e Pronarëve Përfitues/ Të nisë menjëherë transparenca me zotëruesit e aksioneve

Shqipëria

Meta dekreton ‘Regjistrin e Pronarëve Përfitues/ Të nisë menjëherë transparenca me zotëruesit e aksioneve

Më: 11 gusht 2020 Në ora: 16:51
Ilir Meta

Presidenti i Republikës, Ilir Meta, ka dekretuar, ditën e sotme, ligjin e miratuar nga Kuvendi ‘Për regjistrin e pronarëve përfitues’, i cili është rekomandim i përsëritur për Republikën e Shqipërisë nga Komiteti i  Ekspertëve për Vlerësimin e Masave Kundër Pastrimit të Parave dhe Financimit të Terrorizmit (MONEYVAL) të Këshillit të Europës, për identifikimin dhe regjistrimin e pronarit përfitues të subjekteve tregtare dhe organizatave jofitimprurëse, të regjistruara në Republikën e Shqipërisë.

Presidenti i Republikës, Sh.T.Z Ilir Meta, ka dekretuar me shpallje ligjin nr. 112/2020 “Për Regjistrin e Pronarëve Përfitues”.

Ky ligj është një rekomandim i përsëritur për Republikën e Shqipërisë nga Komiteti i  Ekspertëve për Vlerësimin e Masave Kundër Pastrimit të Parave dhe Financimit të Terrorizmit (MONEYVAL) të Këshillit të Europës, për identifikimin dhe regjistrimin e pronarit përfitues të subjekteve tregtare dhe organizatave jofitimprurëse, të regjistruara në Republikën e Shqipërisë.

Ky ligj është një hap para drejt transparencës së zotëruesve të kapitalit të subjekteve tregtare, por që po në funksion të kësaj transparence, mund të kishte përcaktuar edhe më qartë detyrimin për deklarimin dhe regjistrimin e subjekteve, pa kufizime, në raport me aksionet/kuotat të kapitalit ose të interesave të pronësisë në një subjekt raportues.

Ky ligj nuk duhet të jetë një akt që miratohet vetëm për qëllime raportimi pranë Moneyval, por është me rëndësi themeltare për Shqipërinë, të nisë menjëherë zbatimi i tij dhe transparenca me zotëruesit e aksioneve, pa u zvarritur nga Këshilli i Ministrave nxjerrja e akteve nënligjore që mundësojnë fillimin e implementimit.

Shfaq komentet
comments powered by Disqus
Sot mund të lexoni Shfletoni kopertinat