Të tjera detaje janë zbuluar nga aksidenti i rëndë që i mori jetën një 10-vjeçari në Kakavijë.
Sipas raportimeve të para, ende nuk është konfirmuar nëse zona ishte e mbushur me makina apo jo.
Besohet se fëmija 10-vjeç nga Lezha me inicialet S.N. i ka prerë rrugën ambulancës nga krahu i shoferit.
Auto-ambulanca po qarkullonte me shpejtësi pasi po trasnportonte një grua të sëmurë.
Fëmija ishte bashkë me familjen në radhë në pritje për të hyrë në Greqi.
Vijon të jetë e rënduar situata në Kakavijë. Raportohet se mëngjesin e sotëm vargu i makinave ka shkuar në 25 km, duke arritur deri në fshatin Grapsh.
Edhe mbrëmjen e djeshme qytetarë të shumtë e kanë kaluar natën në mes të rrugës. Fëmijë, të moshuar, të sëmurë kanë pritur me orë të tëra për të kaluar kufirin, por situata sa vjen e rëndohet.