Dy persona janë arrestuar ditën e sotme në Pogradec, pasi kanë kërcënuar dhe i kanë marrë një shumë të konsiderueshme parash një 40-vjeçari.
Policia ka arrestuar shtetasit Gëzim Memelli, 68 vjeç, banues në Tiranë dhe Enver Shaho 46 vjeç, banues në Pogradec.
Njoftimi i policisë:
Arrestohen në flagrancë dy shtetas për veprën penale “Shtrëngimi me anë të kanosjes për dhënien e pasurisë”.
Specialistët për Hetimin e Krimeve në Komisariatin e Policisë Pogradec bënë arrestimin në flagrancë të shtetasve:
G. M., 68 vjeç, banues në Tiranë.
E. Sh., 46 vjeç, banues në Pogradec.
Arrestimi i tyre u bë pasi, dyshohet se këta shtetas më datë 20.08.2020, në Pogradec, kanë ushtruar presion ndaj një 40-vjeçari, me qëllim që ky i fundit të nënshkruante me dy të lartpërmendurit një deklaratë noteriale huamarrje, me vlerë 500.000 lekë.
Materialet i kaluan Prokurorisë Pranë Gjykatës së Shkallës së Parë Pogradec për hetime të mëtejshme.
