I shpërthen granata në duar, vdes 6 vjeçari në Gramsh dhe plagoset një 5 vjeçar

Shqipëria

I shpërthen granata në duar, vdes 6 vjeçari në Gramsh dhe plagoset një 5 vjeçar

Më: 27 gusht 2020 Në ora: 08:38
Ilustrim

Një gjashtë vjeçar ka humbur jetën gjatë së mërkurës shkak i shpërthimit të granatës në duar.

Gjashtë vjeçari në Gramsh bashkë me pesë vjeçarin ishin duke luajtur me granatë.

Ngjarja ka ndodhur në fshatin Siman në Gramsh.

“Në fshatin Siman, Gramsh, dy fëmijë, A.Ll., rreth 6 vjeç dhe A.L., rreth 5 vjeç , në oborrin e banesës së shtetasit R.LL, duke luajtur me një granatë të vjetër, ka shpërthyer dhe si pasojë janë plagosur të dy fëmijët e mitur. Fëmija A.Ll., ka ndërruar jetë rrugës për në Spital, ndërsa shtetasi A.L., ndodhet nën kujdesin e mjekëve” njoftoi policia.

5-vjeçari i mbetur i lënduar nga shpërthimi mësohet se është në gjendje të rëndë shëndetësore dhe po transportohet drejt Tiranës.

Grupi hetimor ndodhet në vendngjarje dhe po punon për dokumentimin e plotë të rrethanave të ngjarjes.

Deri me tani policia po heton por nuk ka asnjë person te shoqëruar.

commentFirst article
Sot mund të lexoni Shfletoni kopertinat