Zbardhet grabitja me dhunë e një banese, ku tre persona kanë marrë një shumë parash dhe një armë gjahu.
Bëhet fjalë për ngjarjen e ndodhur më 29 gusht, ku në fshatin Melçan të Finiqit.
Si të dyshuar për grabitjen, gjatë kësaj të diele u bë arrestimi i Kleo Hysi, 32 vjeç dhe Paris Qurku, 29 vjeç, me banim në Sarandë për veprën penale “Vjedhje me dhunë”, e kryer në bashkëpunim.
Nga tërësia e veprimeve rezulton se më datë 29 gusht, të dyshuarit në bashkëpunim me 31-vjeçarin Jetmir Gërbi, banues në Kolonjë, Gjirokastër, i arrestuar në flagrancë, gjatë orëve të natës kanë vjedhur me dhunë banesën e shtetasit Dh.P., në fshatin Melçan, ku nëpërmjet forcës dhe dhunës kanë arritur të marrin një armë gjahu, si dhe një sasi vlere monetare prej 20.000 lekë të reja.
Nga hetimet e kryera, dyshohet se të dyshuarit janë autorë të disa vjedhjeve të tjera, të ndodhura në këtë zonë për të cilat policia nën drejtimin e Prokurorisë po punon për zbardhjen dhe dokumentimin e plotë të tyre.