Juristi Kreshnik Spahiu i ftuar në emisionin “Open” të gazetares Eni Vasili në Top Channel dha mendimin e tij për takimin e Edi Ramës me kryeministrin grek në Greqi.
Spahiu tha se Rama do bënte gabim të madh nëse do të zgjidhte Italinë si palë të tretë për marrëveshjen për detin.
Kjo sepse sipas Spahiut, Italia më shumë do të mbante anën e Greqisë. Ai tha se palë e tretë në diskutime duhet të jetë SHBA.
“Takimi mes kryeministrave ka një lajm të mirë dhe disa të këqija. Lajm i mirë është që e gjithë furtuna që ishte ngritur në një gotë ujë, nxorri bllof ata që mendonin se ka një marrëveshje mes Tiranës dhe Athinës.
Diplomacia shqiptare lë shumë për të dëshiruar, përfaqësi diplomatike skandaloze.
Gjykata Ndërkombëtare vihet në lëvizje kur janë konsumuar të gjitha hallkat.
Gabimi i Ramës është nëse kërkon Italinë ndërmjetësues, se Italia mund të mbajë krahun jo anti-shqiptar por pro-grek. Ai duhet të përfshijë Shtetet e Bashkuara për palë të tretë, se kanë qenë ata që kanë prishur marrëveshjen e Berishës,” tha Spahiu.
