Drejtori i spitalit ‘Shefqet Ndroqi’ (‘Covid2’ në Tiranë) Perlat Kapisyzi, deklaroi se koronavirusi ka pësuar mutacion gjenetik dhe është bërë shumë më i rrezikshëm dhe shumë më ngjitës.
Kapisyzi shprehet se një prej mutacioneve më të rrezikshme është ai i etiketuar si “D614G”, mutacion që sipas profesorit është më agresiv dhe i dëmshëm.
“Virusi Sars-COV2 ka pësuar mutacion genetik ku një nga më të rëndësishmit është D614G, ky mutacion ka bërë virusin më aftësi më ngjitëse, duke rritur ngarkesën virale. Tashmë shumë studime kanë vërtetuar se sa më e madhe ngarkesa virale aq më e lartë sëmundshmëria dhe vdekshmëria. Virusi është bërë më agresiv” – tha mjeku.
