Ditën e sotme është prezantuar prefekti i ri i Qarkut të Gjirokastrës Odise Kote i emëruar në këtë detyrë pak ditë më parë. Ai zëvendësoi në këtë post ish-prefektin Astrit Aliaj i cili u shkarkua me vendim qeverie.
Kote shprehu gatishmërinë dhe besimin për të bërë të mundur realizimin e detyrave dhe përgjegjësive që mban ky post.
Më herët ai ka mbajtur detyra të rëndësishme si drejtor rajonal, përfaqësues i pushtetit vendor dhe nënkryetar i Bashkisë së Gjirokastrës.
Në ceremoni morën pjesë zv.ministrja e Brendshme, Romina Kuko, deputeti i qarkut dhe ministri i Bujqësisë, Blendi Çuçi.
