Një shqiptar është vënë në shënjestër të autoriteteve greke për vrasjen e dyfishtë në qytetin Chania, Kretë.Sipas informacionit nga ishulli, autoritetet po shqyrtojnë të gjitha mundësitë për vrasjen brutale, duke kërkuar burrin që hyri në shtëpinë e gruas fatkeqe dhe e mbyti atë.
Gruaja e moshuar u gjet në zonën Pasakaki të Chania brenda shtëpisë së saj, ndërsa partneri i saj 82-vjeçar që ishte zhdukur u vra në një shtëpi tjetër. Pas vrasjes trupi ishte copëtuar dhe ishte futur në një valixhe.
Policia tashmë ka marrë në pyetje fqinjët e viktimës dhe ata që mund të kenë parë të moshuarin para zhdukjes së tij.
Disa ditë më parë ishte lëshuar një alarm për zhdukjen e të moshuarit, por nuk kishte as informacionin më të vogël, ndërsa kërkimi për vendndodhjen e telefonit të tij celular nuk kishte dhënë ndonjë rezultat.
Sipas vlerësimeve të ekzaminuesit mjekësor, gruaja u mbyt për vdekje dhe autori, ende i paidentifikuar përdori një shami që u gjet e lidhur rreth qafës së saj.
Në të njëjtin informacion nga ishulli thuhet se trupi i saj u gjet të Dielën në mëngjes, kur vajza e 82-vjeçares u shqetësua se nëna nuk po i përgjigjej në telefon dhe iu desh që ta hapte derën me një person që rregullon brava.
82-vjeçari u gjet i vdekur në një valixhe në një shtëpi pranë vendit ku 79-vjeçarja u gjet e mbytur.
