Një 39 vjeçare me origjinë shqiptare ka mbetur i vrarë. Shqiptari Adriatik Xhafa humbi jetën natën midis të premtes dhe të shtunës në spitalin e Asti, ku ai ishte shtruar në kushte të dëshpëruara që nga 24 tetori.
Autopsia ndaj viktimës u zhvillua të martën. 39 vjeçari ishte qëlluar me armë pak para mesnatës të datës së mësipërme.
Një plumb në pjesën e barkut i shkaktoi atij dëmtime të rënda, çka i mori jetën pak ditë më vonë. Mjekët e reanimacionit kanë arritur ta ringjallin disa herë, por përkeqësimi i fundit shkaktoi një hemorragji që ishte e pamundur të ndalet.
Ditët e fundit, të afërmit e parë nga Shqipëria dhe Greqia kanë mbërritur dhe vajza e burrit, e lidhur me një italian, i cili jeton në Veneto, është paralajmëruar gjithashtu.
Akuza
Me vdekjen e Xhafës, pozicioni i Gilmond Metaliut, 41-vjeçar, përkeqësohet gjithashtu. Ai u arrestua më 4 nëntor, në tentativë për t’u arratisur. Tani Metaliu, i mbrojtur nga avokati Maurizio Lamatina, do të duhet të përgjigjet për vrasje të qëllimshme.
Shkaku i sherrit
Sipas rindërtimit të bërë nga hetuesit, shkaku i grindjes midis dy burrave që më pas tragjikisht rezultoi në vrasje duhet të gjendet tek çështjet e nderit. Atë të shtunë në mbrëmje, sipas asaj që u zbulua, Metaliu u paraqit në lokalin ku punon e dashura e Xhafës, duke i bërë komplimente të shumta.
E mërzitur, ajo informoi të dashurin e saj për sjelljen e klientit. Pas konfliktit të zhvilluar në lokal, duket se situata u qetësua, por nuk ndodhi kështu. Autori i dyshuar i krimit, në bordin e BMW-së së tij, u nis në kërkim të shqiptarit tjetër për t’u hakmarrë.
Doli nga makina dhe hapi zjarr
Metaliu arriti ta kapë në Corso Matteotti, duke ndaluar makinën në mes të rrugës. Pasi zbriti, e qëlloi viktimën në një distancë prej disa metrash dhe pastaj u largua, duke e lënë Xhafën të vdiste në trotuar.
Ndihma nga një dëshmitar i rastësishëm
Nëse i plagosuri nuk vdiq në rrugë, ishte falë ndërhyrjes të një djali rumun i cili ishte disa dhjetëra metra larg të shtënave ndërsa po blinte cigare. Pa humbur kohë, ai e vendosi Xhafën në furgonin e tij të parkuar afër dhe e çoi në urgjencë ku mjekët bënë gjithçka që ishte e mundur për ta mbajtur gjallë.
Personi i arrestuar i njohur nga e dashura e viktimës
Metaliu gjithashtu do të ishte njohur nga e dashura e Xhafës, përveç pamjeve të shumta të kamerave publike në zonë që e identifikuan atë.
Karabinierët panë mijëra fotografi derisa gjetën serinë e zezë BMW X6 që po kalonte përmes Corso Matteotti në minutat në të cilat ndodhën të shtënat me armë. Më pas, pas ai largua drejt autostradës Giolitti.
Kamerat nuk kishin arritur të kapnin numrin e targës, por makina u arrit të ndiqej po përmes kamerave të tjera deri te një garazh në Isola d’Asti. Në kohën e arrestimit të tij, Metaliu ishte gjetur me valixhet gati për t’u arratisur.
I ngarkuar tashmë nga precedentët e policisë për krime kundër personit, falsifikim dhe armë, burri tani për tani ka zgjedhur të mos japë asnjë përgjigje me këshillën e avokatit.
