71 përqind e shqiptarëve e konsiderojnë gjendjen ekonomike në vend si “shumë të keqe”
Ky është konkluzioni i përcjellë nga një raport i Eurobarometer. 28% e të pyeturve mendojnë se ekonomia është ‘shumë e mirë’, ndërsa 1% janë përgjigjur me ‘nuk e di’.
Në raport theksohet se tri problemet kryesore me të cilat përballet vendi janë papunësia, shëndetësia dhe situata ekonomike. Raporti vë në dukje mungesën e besueshmërisë në institucionet shqiptare me 31% të të pyeturve.
Në lidhje me rregullat e imponuara nga pandemia, 34% e të pyeturve janë shprehur se kanë patur vështirësi në zbatimin e tyre.
Të pyetur për pritshmëritë për vitin e ardhshëm shqiptarët janë shprehur optimistë ku 48 përqind e tyre pohojnë se do të ketë përmirësime, ndërsa 45 përqind janë shprehur se ekonomia do të rikuperohet pas vitit 2023.
