Katër persona janë arrestuar në Durrës për vepra të ndryshme penale. Një prej tyre ishte në kërkim për dhunë në familje dhe ka rënë në prangat e Policisë.
Një tjetër ia ka vjedhur portofolin një qytetareje në lagjen nr.8 të qytetit bregdetar.
Kurse dy të rinj të tjerë u kapën duke drejtuar mjetet në gjendje të dehur.
NJOFTIMI NGA POLICIA
DVP Durrës
Bie në prangat e Policisë një 32-vjeçar, i shpallur në kërkim kombëtar.
Arrestohen në flagrancë 3 shtetas, për vepra të ndryshme penale.
Specialistët për Hetimin e Krimeve në Komisariatin e Policisë Durrës, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin Dh. T., 32 vjeç, banues në Durrës, pasi ishte i shpallur në kërkim policor për veprën penale “Dhuna në familje”.
—
Specialistët për Hetimin e Krimeve në Komisariatin e Policisë Durrës, arrestuan në flagrancë shtetasin B. C., 41 vjeç, pasi në lagjen nr.8, Durrës, i ka vjedhur portofolin shtetases Xh. Dh.
—
Specialistët e Qarkullimit Rrugor në Drejtorinë Vendore të Policisë Durrës, arrestuan në flagrancë shtetasit E. M., 25 vjeç dhe E. I., 23 vjeç, banues në Durrës, pasi u konstatuan nga shërbimet e Policisë duke drejtuar mjetet në gjëndje të dehur.
Materialet i kaluan Prokurorisë së Rrethit Gjyqësor Durrës, për veprime të mëtejshme.
