Një person është arrestuar nga policia e shtetit në Tropojë, pasi ishte shpallur në kërkim për veprat penale “Vrasja e kryer me kapërcim të kufijve të mbrojtjes së nevojshme“ mbetur në tentativë dhe “Mbajtja pa leje e armëve dhe municionit luftarak”.
I arrestuari është G. Rr., 35 vjeç, banues në fshatin Sopot, Tropojë. Më datë 25.05.2020 është qëlluar me armë zjarri në drejtim të një lokali në fshatin Sopot, ku ndodheshin shtetasit B. Rr. dhe G. Rr. Në përfundim të veprimeve hetimore janë identifikuar dhe shpallur në kërkim autorët e dyshuar të kësaj ngjarjeje, shtetasit R. H. dhe G. K. Gjithashtu është shpallur në kërkim shtetasi G. Rr., i cili është kundërpërgjigjur me armë nga brenda lokalit, pas konfliktit për motive të dobëta.
Ditën e djeshme është arrestuar një nga autorët e dyshuar të kësaj ngjarjeje, shtetasi R. H.
Njoftimi i policisë:
Vijon puna për lokalizimin dhe kapjen e personave në kërkim.
Kapet dhe vihet në pranga një tjetër shtetas i shpallur në kërkim si autor i dyshuar i ngjarjes së ndodhur në datën 25.05.2020, në fshatin Sopot.
35-vjeçari i shpallur në kërkim për veprat penale “Vrasja e kryer me kapërcim të kufijve të mbrojtjes së nevojshme“ mbetur në tentativë dhe “Mbajtja pa leje e armëve dhe municionit luftarak”.
Efektivët e Komisariatit të Policisë Tropojë, në vijim të punës për lokalizimin dhe kapjen e personave të shpallur në kërkim, në bazë të informacioneve të marra në rrugë operative, pas lokalizimit të vendndodhjes, bënë të mundur kapjen dhe arrestimin e shtetasit:
G. Rr., 35 vjeç, banues në fshatin Sopot, Tropojë.
Ky shtetas ishte shpallur në kërkim, pasi Prokuroria e Rrethit Gjyqësor Tropojë, ka dërguar urdhrin për ndalimin e tij, si i dyshuar për veprat penale “Vrasja e kryer me kapërcim të kufijve të mbrojtjes së nevojshme“ mbetur në tentativë dhe “Mbajtja pa leje e armëve dhe municioneve luftarake”.
Më datë 25.05.2020 është qëlluar me armë zjarri në drejtim të një lokali në fshatin Sopot, ku ndodheshin shtetasit B. Rr. dhe G. Rr. Në përfundim të veprimeve hetimore janë identifikuar dhe shpallur në kërkim autorët e dyshuar të kësaj ngjarjeje, shtetasit R. H. dhe G. K. Gjithashtu është shpallur në kërkim shtetasi G. Rr., i cili është kundërpërgjigjur me armë nga brenda lokalit, pas konfliktit për motive të dobëta.
Ditën e djeshme është arrestuar një nga autorët e dyshuar të kësaj ngjarjeje, shtetasi R. H.
Ndërkohë, vijon puna për lokalizimin dhe kapjen e shtetasit G. K.
Materialet iu referuan Prokurorisë së Rrethit Gjyqësor Tropojë, për veprime të mëtejshme.
