Tema e dytë që po trajtohet mbrëmjen e sotme në emisionin “Open” është aksidentet e shumta rrugore që po ndodhin në këtë fillim viti të 2021-shit.
Një nga videot që bëri bujë së fundmi është aksidenti i ndodhur në Tiranë, ku Stiverjan Dashi udhëtonte me 150 km/h duke rrezikuar jetën e tre personave.
Fakti që ai mori vetëm një gjobë kla ngritur aludime nëse po funksionon policia e shtetit apo jo.
Gazetarja Klodiana Lala tha se shkaku i një dënimi aq të vogël është se është nipi i një zyrtari të lartë policie.
Zv. ministri i Brendshëm Julian Hodaj tha në Open se ai është gjobitur shumë herë dhe është arrestuar, p;or nuk ka informacion në lidhje me lidhjen e tij me një prej pjesëtarëve të policisë së shtetit.
Hodaj: Personi i arrestuar dhe gjobitur shumë herë.
Lala: A ka ai lidhje fisnore a krushqie me anëtarë të policisë së shtetit?
Hodaj: Nuk kam dijeni.
Lala: Është nipi i një zyrtari të lartë policie.
Hodaj: Thuaj emër mbiemër.
Lala: Le të marrë ai informacion për atë punë paguhet.
