Pesë të arrestuar në Tiranë, çfarë zbuloi policia

Shqipëria

Pesë të arrestuar në Tiranë, çfarë zbuloi policia

Më: 28 shkurt 2021 Në ora: 13:03
Foto ilustrim

Policia e Tiranës ka arrestuar në flagrancë pesë përsona të akuzuar për vepra të ndryshme penale.

U arrestua K. B., 24 vjeç, pasi në rrugën “Gramoz Pashko”, punonjësit e policisë të Forcës së Posacme “Shqiponjat”, gjatë kontrollit fizik të ushtruar dhe kontrollit të mjetit me të cilin ky shtetas qarkullonte iu gjet dhe iu sekuestrua një sasi dozash me lëndë narkotike e dyshuar kanabis.

Nga specialistët për Hetimin e Krimit në Komisariatin e Policisë Nr.4, u bë arrestimi në flagrancë i shtetasit R. B., 33 vjeç, pasi ka ushtruar dhunë fizike dhe psikologjike ndaj nënës së tij të cilës iu plotësua kërkesë-padia për lëshimin e urdhërit të mbrojtjes së menjëhershme.

Po nga specialistët për Hetimin e Krimit në Komisariatin e Policisë Nr.4, u bë arrestimi në flagrancë i shtetasit I. L., 45 vjeç, i dënuar më parë për veprën penale "Dhuna në familje", pasi në rrugën "Abedin Çiçi" i ka marrë me forcë disa sende personale shtetasit A. C.

Specialistët e Qarkullimit Rrugor bënë arrestimin në flagrancë të shtetasve :

F. Xh., 31 vjeç, pasi u kap duke drejtuar mjetin pa lejen përkatëse ;

R. H., 40 vjeç, pasi duke drejtuar mjetin në gjendje të dehur në masën 1.39 mg/l, është përfshirë në një aksident vetëm me dëme materiale.

Materialet iu referuan Prokurorisë së Rrethit Gjyqësor Tiranë, për veprime të mëtejshme.

Shfaq komentet
comments powered by Disqus
Sot mund të lexoni Shfletoni kopertinat