Eduard Halimi emërohet koordinator i Posaçëm Politik në Partinë Demokratike.
Burime për Euronews Albania bëjnë me dije se ish-ministri i drejtësisë do të koordinoje punën mes drejtuesve te qarqeve.
Ish-deputeti i PD-së u largua nga politika në shkurt të vitit 2018, ku njoftoi se do t’i përkushtohej një projekti në Ballkan të së drejtës ndërkombëtare private.
Halimi ka qenë deputet i Partisë Demokratike gjatë tre legjislaturave.
Ai ka shërbyer edhe si Ministër i Drejtësisë gjatë qeverisjes Berisha.
Ndërkohë, ditën e nesërme pritet që të zyrtarizohen edhe kandidatët e Partisë Demokratike për zgjedhjet e 25 prillit.
