Rama në timon, e ndalon policia: Jeni në terezi? Po ika unë ju mori lumi

Shqipëria

Rama në timon, e ndalon policia: Jeni në terezi? Po ika unë ju mori lumi

Më: 12 prill 2021 Në ora: 07:49
Pamje nga video

Kryeministri Edi Rama ka qenë i ftuari i emisionit humoristik “Binjakët Show”, duke u bërë pjesë edhe e një mini-filmi humoristik me vëllezërit Donald dhe Romeo Veshaj.

Kryeministri paraqitet si pasagjer, me Dua Lipën në sfond, edhe pse në realitet nuk di ti japë makinës.

Në atë moment efektivi i policisë Romeo Veshaj ndalon Ramën dhe habitet që ai është në timon, ndërsa kryeministri i kërkon që ta lërë të ikë pasi do që të shohë Vlorën.

Dialogu mes Edi Ramës, Donald dhe Romeo Veshajt:

Edi Rama: E di çke, hajde dil mbrapa se dua t’i jap vetë makinës.

Donald Veshaj: Ka ndodh ndonjë gjë e keqe? Pse je mërzitur? Çfarë ka ndodhur?

Edi Rama: Hajde mo mbrapa këtu. Dua të shoh Vlorën vetë aty, në timon.

Donald Veshaj: Do t’i japësh vetë makinës?

Edi Rama: Po, dua t’i jap vetë makinës!

Donald Veshaj: Ok…

Edi Rama: Dua Lipën ku e ke? Dua Dua Lipën aty.

Edi Rama: Të lutem lëre atë video, do më lësh të shijoj Vlorën?

Edi Rama: Po ky ça do tani?

Donald Veshaj: Polici?

Romeo Veshaj: A mund ta ulësh pak maskën?

Donald Veshaj: Po nuk jemi nisur akoma mo…

Romeo Veshaj: 12 si më dëgjon? Kam ndaluar një njeri të madh…

Polici: Ndonjë analist?

Romeo Veshaj: Më të madh, më të madh, ngrije.

Polici: Ndonjë biznesmen?

Romeo Veshaj: Më të madh, më të madh, ngrije.

Polici: Ndonjë deputet?

Romeo Veshaj: Opo ngrije akoma.

Polici: Ministër?

Romeo Veshaj: Më të madh të them.

Polici: Po Ramën s’e ke ndaluar pra.

Romeo Veshaj: Po ça thua o vëlla, ky Ramën e ka shofer.

Edi Rama: Po ça thua mo, do na lësh të ikim tani se kemi dalë të shohim Vlorën vetëm.

Romeo Veshaj: Prit pak, mos ik, e di që gjendja…

Edi Rama: Po ça është ky ore…Ore do iki të shoh Vlorën.

Romeo Veshaj: Aaa, për të parë Vlorën.

Edi Rama: Po ça? Po ika unë, ju mori lumi. A jeni në terezi apo jo?

Sot mund të lexoni Shfletoni kopertinat