Zgjedhjet, Meta paralajmëron të “fortët” se do t’u sekuestrohen dhe pulat, qytetarët i porosit të verifikojnë Qendrat e Votimit

Shqipëria

Zgjedhjet, Meta paralajmëron të “fortët” se do t’u sekuestrohen dhe pulat, qytetarët i porosit të verifikojnë Qendrat e Votimit

Më: 21 prill 2021 Në ora: 09:40
Ilir Meta

Teksa nda ndajnë vetëm 4 ditë nga zgjedhjet e 25 prillit, presidenti Ilir Meta, u ka bërë thirrje që para se të nisen drejt qendrave të votimit së pari t’i verifikojnë ato.

Në një postim që ka bërë në rrjetet sociale, kreu i shtetit ka paralajmëruar të “fortët” që të mos bëjnë presione për blerje votash pasi do t’i sekuestrohen edhe pulat.

Meta thotë se kush prek votën e 25 prillit ka ka sulmuar sovranitetin e popullit dhe të Shqipërisë.

“Edhe 4 ditë, që Sovrani të rimarrë në duart e tij sovranitetin e grabitur pabesisht dhe poshtërsisht me zgjedhje si ato të Shijakut, të Dibrës, dhe me ato të paligjshme vendore.Të gjithë qytetarët të verifikojnë qendrat e tyre të votimit dhe me qetësi dhe vendosmëri të nisen drejt kutive të votimit në këto zgjedhje historike për vendin dhe kombin tonë për 100 vitet e ardhshme.

Asgjë nuk e ndal triumfin e vullnetit të Sovranit, që përmes Referendumit të 25 Prillit do ta përmbysë Fuks-Shtetin e “Rilindjes” dhe do të rivendosë shtetin e së drejtës dhe Llogaridhënien.Të gjithë ju zyrtarë, që nuk keni kartelë psiqike, mos e rëndoni pozitën tuaj duke shkelur ligjin dhe Kodin në ditët dhe orët, që vijnë.

Të gjithë ju “të fortë”, që po përdoreni nga pushteti kriminal për presione dhe blerje votash, bëhuni gati se edhe pulat do t’ua sekuestrojmë!Kush prek votën e 25 Prillit ka sulmuar sovranitetin e popullit dhe të Republikës së Shqipërisë dhe do trajtohet si armik i Republikës dhe Kushtetutës!Kush shet votën, shet nderin e familjes së tij dhe nuk e meriton të quhet njeri dhe kurrsesi shqiptar.Përpara me qetësi e vendosmëri drejt qendrave të votimit, për Shqipërinë europiane, që ristarton fuqishëm më 25 Prill.SHQIPËRIA DO TË JETË E SHQIPTARËVE PËRJETËSISHT!“- shkruan Meta.

Shfaq komentet
comments powered by Disqus
Sot mund të lexoni Shfletoni kopertinat