Ditën e sotme një aksident tragjik u regjistrua në aksin Milot- Morinë ku si pasojë humbi jetën Fitor Ollomani, 35-vjeç.
Mësohet se Ollomani ishte pedagog dhe drejtor i zyrës Arsimore në Kukës.
Bëhet me dije se 35-vjeçari po udhëtonte së bashku me bashkëshorten në drejtim të Tiranës, pasi ajo me profesion mësuese kishte sot testin e kualifikimit në matematikë.
Kujtojmë që në aksidentin tragjik u përfshinë dy makina dhe si pasojë humbi jetën 35-vjeçari, ndërsa mbeti e plagosur bashkëshortja e tij shtetësja A.M. dhe drejtuesi i makinës tjetër.