Momenti kur raketa kineze bie mbi oqean, ja kur kaloi mbi Shqipëri!

Shqipëria

Momenti kur raketa kineze bie mbi oqean, ja kur kaloi mbi Shqipëri!

Më: 9 maj 2021 Në ora: 16:17
Foto

Ushtria amerikane nxori pamjet e momentit kur raketa kineze që tmerroi botën u rrëzua mbi Oqeanin Indian duke mos shkaktuar fatmirësisht dëme në asnjë zonë të banuar.

Long March 5B shkaktoi panik të madh për shkak se nuk dihej me saktësi se ku do të rrëzohej. Në fund, ajo ra pranë Maldiveve pasi vendosi ndërkohë një sërë vendesh në gatishmëri, të cilat po ndiqnin me ankth trajektoren e saj.

Mësohet se mbi vendin tonë ajo kaloi pak pas mesnate, rreth orës 01:00. Autoritetet e agjencisë hapësinore të Kinës thanë se mbetjet e raketës që po lëvizte e pakontrolluar ranë në gjatësi prej 72.47 shkallësh në lindje dhe gjerësi prej 2.65 shkallësh në veri.

Këto koordinata e vendosën vendndodhjen e rrëzimit të raketës në perëndim të Maldiveve. Kina tha se shumica e segmenteve të raketës u shpërbën me të hyrë në atmosferën e Tokës. Raketa Long March-5B kishte dërguar në Stacionin Hapësinor një modul të Pekinit në 29 prill.

Shfaq komentet
comments powered by Disqus
Sot mund të lexoni Shfletoni kopertinat