Sali Berisha pas kuvendit të PD-së: Jo dëshpërim, mezi po pres shtatorin

Shqipëria

Sali Berisha pas kuvendit të PD-së: Jo dëshpërim, mezi po pres shtatorin

Më: 17 korrik 2021 Në ora: 14:58
Sali Berisha

Pas Kuvendit Kombëtar të demokratëve, ish-kryeministri dhe lideri i PD-së Sali Berisha i ka dhënë kurajë demokratëve.

“Jemi një armatë e fuqishme, mjafton të vendosim të përballemi me të gjitha mjetet e ligjshme kundër regjimit më të urryer pas Enver Hoxhës, që ka parë Ballkani dhe Europa”, deklaroi lideri historik i PD-së, duke shtuar se mezi pret shtatorin në Kuvend.

Berisha iu përgjigj edhe pyetjeve për akuzat e sekretarit të Shtetit amerikan Blinken. Berisha ka lënë të nënkuptohet se largohet nga skena politike nëse i nxjerrin qoftë edhe një provë të vetme për akzuat që kanë lëshuar.

“Jo Blinken por cilido zyrtar i këtij planeti të paraqesë prova, Sali Berisha është njeriu i vendimeve më të qarta dhe të drejta, por nuk ka njeri në botë që mund të paraqesë qoftë edhe një te dhënë të vetme”, deklaroi ai përpara mediave.

commentFirst article
Sot mund të lexoni Shfletoni kopertinat