Një 47-vjeçar që po lëvizte me biçikletë është aksidentuar nga autobusi në aksin rrugor Shijak-Durrës. Ngjarja ka ndodhur rreth orës 14:05.
47-vjeçari është dërguar me urgjencë në spital dhe ndodhet nën kujdesin e mjekëve, jashtë rrezikut për jetën.
“Më datë 21.10.2021, rreth orës 14:05, në aksin rrugor Shijak-Durrës, autobusi me drejtues shtetasin Sh. Sh., 63 vjeç, ka aksidentuar shtetasin A. M., 47 vjeç që lëvizte me biçikletë, i cili ndodhet nën kujdesin e mjekëve, jashtë rrezikut për jetën”, njofton policia.
Grupi hetimor ndodhet në vendngjarje dhe po punon për sqarimin e rrethanave të aksidentit.
