Periudha në muajt në vijim pritet të jetë e shoqëruar me reshje të dendura dhe të rrëmbyeshme shiu.
Për këtë arsye, autoritetet po marrim masat për parandalimin e përmbytjeve dhe po përgatisin planin e punës në raste emergjencash të shkaktuara prej tyre.
Sipas prefektit të qarkut Tiranë, ndërhyrje të menjëhershme duhen ndërmarrë veçanërisht në rezervuare.
“Rezervuarët e Tiranës përbëjnë 1/6 e atyre në të gjithë vendin. Nga 77 që ka qarku, 38 i ka vetëm bashkia e Tiranës, 16 janë në gjendje katastrofike , probleme me kanalet e kullimit, shkarkimit, kërkohen plane të veçanta masash për secilën prej tyre, janë potenciale të rrezikshme për zonat.”
Sekretari i emergjencave civile u kërkoi bashkive rivlerësimin e zonave të riskut dhe rritjen e kapaciteteve njerëzore dhe materiale.
“Të rivlerësojnë zonat e riskut që një vit më parë kishin problematika, kemi pas një vit më parë zona me përmbytje të vazhdueshme, çfarë masash janë marrë? Kapacitetet njerëzore, e teknike janë në mënyrë të reduktuar.”
Specialistët raportojnë se rezervuarët përgjatë autostradës Tiranë – Durrës janë në nivele më të larta se zonat e banuara dhe në rast rreziku mund të shkaktojnë katastrofa në banesat apo bizneset e zonës.
