A do të ketë shpërblim për Vitin e Ri dhe rritje të pensioneve? Ministrja jep lajmin

Shqipëria

A do të ketë shpërblim për Vitin e Ri dhe rritje të pensioneve? Ministrja jep lajmin

Më: 22 tetor 2021 Në ora: 18:07
Delina Ibrahimaj

Ministrja e Financave Delina Ibrahimaj u shpreh pas mbledhjes së sotme të qeverisë se në buxhetin e vitit 2022 nuk parashikohet rritje e pensioneve, por u garantoi vetëm paketën e bonusit të Vitit të Ri dhe indeksimin që shkon në linjë me normën e inflacionit, që ndodh cdo vit.

“Prej vitesh bonusi i pensioneve në fund të vitit është bërë një rregull, ndonëse është konsideruar si bonus prej periudhës që kemi qeverisur.

Nga viti i ardhshëm nuk do të jetë një pikëpyetje por zë buxhetor i planifikuar në vitet në vijim dhe gjithashtu dua të rikujtoj që cdo vit bëjmë një indeksim të pensioneve që shkon në linjë me normën e inflacionit dhe cdo vit parashikohet si rritje e pensioneve natyrale me indeksimin e inflacionit duke mbrojtur pensionistët nga rritja e çmimeve gjithashtu edhe bonusi i përvitshëm” tha ajo.

Po a do të ketë rritje të taksave vitin e ardhshëm? “Buxheti nuk parashikon rritje të taksave, por rritje natyrale të tyre duke shfrytëzuar mirë administrimin fiskal dhe duke shfrytëzuar sa më mirë këto potenciale që kemi” tha ministrja e Financave.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat