“Pa mik, pa deputet, pa ryshfet e pa parti”/ Spiropali flet për projektligjin “për bashkëqeverisje”: Prioritet do jenë ngërçet

Shqipëria

“Pa mik, pa deputet, pa ryshfet e pa parti”/ Spiropali flet për projektligjin “për bashkëqeverisje”: Prioritet do jenë ngërçet

Më: 27 tetor 2021 Në ora: 11:50
Ministrja e Shtetit për Marrëdhëniet me Parlamentin, Elisa Spiropali

Ministrja e Shtetit për Marrëdhëniet me Parlamentin Elisa Spiropali ka nisur mbledhjen e ditës së sotme të Komisionit të Ekonomisë dhe Financave duke folur për qëllimin e projektligjit “për bashkëqeverisjes” duke thënë se do të rrisë cilësinë e shërbimeve publike për qytetarët.

Nga ana tjetër thekson se prioriteti i agjensisë do të jenë ngërçet për të mos vonuar përgjigjet dhe ndërhyrja do të jetë për kushtet me bashkëqeverisje me qytetarët.

“Pa mik, pa deputet, pa ryshfet, pa parti, ky projektligj vjen si instrument barazie për qytetarët pavarësisht gjinisë, racës, fesë, përkatësisë politike. Projektligji përbën një nismë të re për konceptimin dhe riorganizimin institucional të agjensisë për dialog dhe bashkëqeverisje dhe ka për qëllim përfshirjen e qytetarëve në proceset politikbërëse dhe vendimmarrëse. Objektivi është të rrisë cilësinë e shërbimeve publike ndaj qytetarëve dhe subjekteve të së drejtës përmes platformës “Me ty me Shqipërinë që duam.”

Por pavarësisht kësaj, agjencia ka hasur vështirësi që kanë ndikuar në mundësinë për të plotësuar detyrat duke vonuar përgjigjet. Për këtë arsye, është hartuar për të pasur prioritet këto ngërçe. Arsyeja e ndërhyrjes është rregullimi me ligj i bashkëqeverisjes”, tha Spiropali.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat