“Nuk gjeja ministrat në punë”/ Braçe flet “pa dorashka”: Të hapin krahun ata që nuk bëjnë punën

Shqipëria

“Nuk gjeja ministrat në punë”/ Braçe flet “pa dorashka”: Të hapin krahun ata që nuk bëjnë punën

Më: 27 tetor 2021 Në ora: 12:25
Erion Braçe

Në Komisionin për Ekonominë dhe Financat, deputeti Erion Braçe ka folur pa dorashka në lidhje me punën e ministrave duke thënë se shpesh herë nuk i gjente në krye të detyrës.

Teksa flitej për projektligjin “për bashkëqeverisjen”, Brace tha se duhet të nisë puna me shërbimin e qytetarët dhe kushdo që nuk bën dot të mundur funksionimin e institucioneve, “të hapë krahun”. Deputeti përmendi edhe një foto ku sipas tij duket qartë se asnjë nuk bën detyrën.

Braçe: Në atë parti kam gati 29 vite. Streuktura e patronazhimit ka qenë permanent nga mëngjesi deri në darkë. Organizatat e partisë janë të tilla që nuk i përgjigjen numrit të votuesve për çdo qendër votimi dhe për këtë arsye, nuk është sekret organizativ, numri i votuesve përkthehet kundrejt njerëzve simpatizantë të PS, anëtarë të PS që bëjnë punë politike dhe do të vazhdojnë ta bëjnë këtë gjë. E di sa janë ata?

Ndërhyn Spaho….

Braçe: Mondi, ka mundësi ta mbaroj unë? Do më lësh të flas të lutem, merreni ju fjalën më pas. Po flas për një strukturë partie, nuk e di, nuk e kam bërë dot, nuk e bëra dot 2 vite e gjysmë të gjeja sa anëtarë të PD punonin në kryeministri dhe bënin punë parties a mbaronte orari i punës. Nëse ligji lejon këdo që të bëjë çfarë të dojë përtej orarit zyrtar, nuk mund të themi këtu vutë në lëvizje administratën publike. Do ta them troc? Nga analiza që unë bëj, po ju them që më shumë se gjysma e administratës publike nuk ka votuar për PS në nivel qendror dhe vendor. Kjo gjë nuk ka lidhje me agjensinë fare. Do ju lutesha shumë të çliroheni nga kjo pjesë se nuk ka lidhje fare.

Ajo agjensi, 2 vite e gjysmë nuk ka mjaftuar sepse fillon këtu. Nëse ministri, zv.ministri nuk e fillojnë ditën e punës me shërbimin për qytetarët, nuk fillon puna. Sa herë kemi vajtur dhe nuk kemi gjetur ministra në punë. Kemi shkuar për të kontrolluar marrjen e përgjigjes institucion me institucion dhe u detyruan të vendosnin tabela për të kontrolluar fluksin e ankesave. Thelbi nuk është funksionimi i agjensisë, por i institucioneve.

Ma lejoni ta them, kemi hyrë në vitin e 9-të, që të kemi vështirësi në funksionimin e institucioneve dhe të ndërtojmë instrumenta, më duket para e shpenzuar kot. Nëse nuk bëjmë dot institucionet për të funksionuar, të hapin krahun të gjithë. Nëse ka agjensi që nuk i përgjigjen qytetarët për 1001 arsye, të hapin krahun, të ikin të largohen. Kam parë një foto, kaladibranshe institucionesh ku asnjë nuk bën detyrën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat