Dy vite nga tërmeti i 26 Nëntorit, sizmiologu tregon zonat me më shumë rrezik në Shqipëri

Shqipëria

Dy vite nga tërmeti i 26 Nëntorit, sizmiologu tregon zonat me më shumë rrezik në Shqipëri

Më: 26 nëntor 2021 Në ora: 15:07
Tërmeti i 26 Nëntorit

Dy vite nga tërmeti i 26 nëntorit 2019, në studion e ABC Live me gazetaren Juli Xhokaxhi, sizmiologu Rrapo Ormeni foli për dukurinë e tërmeteve në vendin tonë.

“Mund të ndodhë që në një zonë të ndodhin dy tërmete dhe të përsëriten më vonë. Tërmeti që është në det kur bie në thellësi të madhe mund të shkaktojë edhe tsunam. Në vendin tonë kanë ndodhur tsuname deri në 1 metër, jo më shumë.

Tërmeti shkakton dëme. Thyerja mund të dalë në sipërfaqe ose mund të sjellë deformime. Në këtë zonë u vërejt deformimi që ishte në përputhje me thyerjen në këtë zonë. Ata ishin në korrepsondencë të plotë me njëra tjetrën”, tha Ormeni.

Ai deklaroi se zonat më të prekura nga tërmeti në vend kanë qenë ajo e detit Adriatik, si dhe zonat Vlorë, Lushnje dhe Elbasan, Dibër. Ormeni nënvizoi se për fat të mirë Shqipëria bën pjesë në pjesën e Mesdheut që nuk ka pasur magnituda të mëdha ndër vite.

“Zona e Adriatikut, zona tjetër Vlorë-Lushnje dhe Elbasan Dibër janë zona ku ka pasur më shumë tërmete në Shqipëri. Është thyerje ku kanë rënë tërmete te fuqishëm përveç tërmeteve të vegjël që bien herë pas here në këto zona.

Thyerjet e mëdha gjenerojnë magnituda më të mëdha. Ne bëjmë pjesë në zonën e Mesdheut por është me fat që tërmetet në Shqipëri nuk kanë pasur magnituda të mëdha por deri në 7 rihter pra deri në 9 ballë. Siç ka qenë tërmeti i Shkodrës”, u shpreh ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat