Mihal Jani dhe Anila Llulla janë dy viktimat që u gjetën ditën e sotme në Kavajë.
Sipas raportimit të policisë, ata dyshohet se janë asfiksuar nga gazi.
Policia ka shkuar menjëherë në vendngjarje për të zbuluar më shumë detaje rreth incidentit.
Ata u gjetën brenda një banese nga familjarët.
"Më datë 27.11.2021, rreth orës 17:45, në Golem, në katin e dytë të një pallati, janë gjetur në banesën e shtetasit M.J, pa shenja jete dhe pa shenja dhune, shtetasi M. J., 60 vjeç banues në Golem dhe shtetasja A. Ll., 50 vjeçe, banuese në Tiranë. Nga hetimet paraprake dyshohet se kanë humbur jetën një ditë më parë si pasojë e asfiksisë nga gazi," shkruhet në njoftimin e policisë.
