Deti na kthen mbetjet, vija bregdetare në Vlorë mbushet plot me mbeturina

Shqipëria

Deti na kthen mbetjet, vija bregdetare në Vlorë mbushet plot me mbeturina

Më: 29 nëntor 2021 Në ora: 14:48
Vija bregdetare në Vlorë mbushet plot me mbeturina

Pas reshjeve të shiut dhe stuhisë, bregdeti i Vlorës është mbushur plot me mbeturina. Mbetjet që janë hedhur vend e pavend kanë përfunduar në det, por natyra siç duket ka vendosur që t’i kthejë ato në Vlorë, duke treguar qartë se institucionet kanë dështuar në menaxhimin e mbetjeve.

Kjo është pamja e plazheve të Vlorës pas motit të keq që ka prekur qytetin.

Plastikë, qelq e mbetje të tjera kanë mbushur vijën bregdetare.

Janë dëshmi e ndotjes së madhe që vjen nga dora e njeriut, dhe paaftësia e institucioneve për të menaxhuar mbetjet urbane.

Të hedhura vend e pa vend, reshjet e shiu i mbledhin dhe lumejtë i depozitojnë në det, që si për të na dhënë një leksion ndëshkueshmërie na i kthen pas në breg.

Bashkia e Vlorës ka nxjerrë punonjësit në bregdet, si dëshmi e dështimit, pasi ato mbetje duhej të mblidheshin që në burim.

Këtë muaj qeveria nisi një aksion kombëtar dhe kryebashkiakët e urdhëruar dolën me qese të zeza në dorë për të pastruar territorin.

Por është vetë natyra që hedh poshtë propagandën dhe këto pamje janë dëshmi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat