Topalli tregon përgjegjësinë e vetme të Berishës

Shqipëria

Topalli tregon përgjegjësinë e vetme të Berishës

Më: 1 dhjetor 2021 Në ora: 23:47
Jozefina Topalli

Ish-nënkryetarja e PD Jozefina Topalli deklaron se ish kryeministri Sali Berisha ka përgjegjësinë e tij që nuk reagoi për situatën e krijuar në PD.

E ftuar në emisionin ‘Now’ në Euronews Albania, Topalli thotë se nëse të gjithë bashkë do të kishin ndërhyrë nuk do të ishte lejuar keqqeverisja 12-vjeçare.

“Z. Berisha ka përgjegjësinë si gjithë ne të tjerët, dikush më shumë dikush më pak, për heshtjen gjatë kësaj periudhe. Ndoshta është pak e vonuar. Në fakt po të kishim ndërhyrë pak më herët të gjithë bashkë, nuk do kishim lënë që të kishim një qeverisje siç e kemi sot, që shkon në 12 vite”, tha Topalli.

Topalli shton po ashtu se foltorja është shndërruar në një lëvizje demokrate ‘që ka energjizuar jo thjesht bazën e partisë por të gjithë shqiptarët’.

“Nëse në 11 dhjetor Berisha do t’i demonstrojë shqiptarëve emër për emër anëtarët për të thirrur kuvendin, nuk ka më 18 dhjetor”, tha Topalli.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat