Përplasja në selinë e PD, reagon policia: Nuk jemi përfshirë ne, qytetarët të qëndrojnë larg dhunës

Shqipëria

Përplasja në selinë e PD, reagon policia: Nuk jemi përfshirë ne, qytetarët të qëndrojnë larg dhunës

Më: 8 janar 2022 Në ora: 13:42
Pamje nga vendi i ngjarjes

Policia e Shtetit ka reaguar në lidhje me zhvillimet në selinë e Partisë Demokratike duke mohuar përfshirjen përplasjen me mbështetësit e Berishës.

“Sqarojmë opinionin publik se asnjë nga strukturat e Policisë së Shtetit të angazhuara për garantimin e rendit dhe sigurisë nuk është përfshirë në asnjë veprim dhe nuk ka hedhur asnjë send të kundërligjshëm në selinë e Partisë Demokratike, gjatë protestës që është duke u zhvilluar.

Policia e Shtetit është tërësisht e angazhuar për të garantuar rendin e sigurinë dhe u bën thirrje qytetarëve që të distancohen nga çdo akt dhune apo prishje e rendit dhe sigurisë, pasi do të përballen me forcën e ligjit”, konfirmon policia.

Gjatë minutave të fundit ka patur hedhje gazi lotsjellës brenda selisë së PD-së, ndërkohë që brenda saj janë futur mbështetës të Berishës, të cilët po thyejnë xhamat e selisë dhe të makinave që ndodhen të parkuara aty.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat