Ambasadorja e SHBA, Yuri Kim i sheh në rritje investimet amerikane në Shqipëri, falë edhe përmirësimit të klimës të të bërit biznes.
Në këtë drejtim, u shpreh Kim, ka ndihmuar zbatimi i reformës në drejtësi dhe pastrimi i gjykatave. Thirrja e diplomates është që të vazhdohet në të njëjtën rrugë për të vijuar trendin rritës.
“Rregullat transparente, racionale dhe të qarta, të bëra bashkë me gjykata të pastra, ku mosmarrëveshjet zgjidhen me ligj dhe jo me ryshfet, do të tërheqin edhe më shumë investitorë.
Le të vazhdojmë zbatimin e reformës në drejtësi, kështu shtohen mundësitë për punësim dhe mirëqenie për më shumë njerëz”, përfundoi reagimin e saj në “twitter” ambasadorja Yuri Kim.
