Pogradec, rrëzohen shtyllat, 3 fshatra në mungesë të energjisë elektrike prej 2 ditësh

Shqipëria

Pogradec, rrëzohen shtyllat, 3 fshatra në mungesë të energjisë elektrike prej 2 ditësh

Më: 12 janar 2022 Në ora: 20:39
Foto ilustrim

Prej dy ditësh 3 fshatra të Pogradecit të njësisë administrative Udënisht, si: Piskupat, Boqezë dhe Lin përballen me mungesë të energjisë elektrike.

Një gjë e tilla ka ardhur si pasojë e defekteve të linjës  nga e cila furnizohen që është fidri i Prrenjasit.

Ditën e djeshme nuk ka pasur energji, ditën e sotme vetëm disa orë gjatë ditës dhe aktualisht qindra familje të këtyre fshatrave janë pa energji.

Ndërkohë informacionet nga OSHEE Librazhd e cila furnizon këto fshatra thonë se është punuar gjatë ditës.

Por nuk është arritur t’i jepet zgjidhje problemit i cili lidhet me rrëzime të shtyllave dhe këputje përcjellësesh të energjisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat