Dhunoi barbarisht 3-vjeçarin, Apeli vendos 8 vite burg për njerkun

Shqipëria

Dhunoi barbarisht 3-vjeçarin, Apeli vendos 8 vite burg për njerkun

Më: 18 janar 2022 Në ora: 12:08
Alfred Kazanxhi

Gjykata e Apelit ka lënë në fuqi vendimin e shkallës së parë me 8 vite burg për shtetasin Alfred Kazanxhi, i cili më datë 24 prill keqtrajtoi barbarisht djalin tre vjeçar të bashkëjetueses me të cilën ishte njohur prej 1 viti.

Gjykata e Rrethit Tiranë e shpalli fillimisht fajtor për kryerjen e veprës penale të “Keqtrajtim i të miturit”, duke e dënuar përfundimisht me 8 vjet burg, pasi përfitoi nga ulja e 1/3 së dënimit.

Pas vendimit të shkallës së parë, 35 vjeçari e ankimoi çështjen në Apel, duke kërkuar ndryshim të vendimit përmes ndryshimit të veprës penale nga “Keqtrajtim i të miturit” në atë të “Braktisjes së të miturit”.

Në përfundim të gjykimit, Apeli vendosi të lejë në fuqi vendimin e shkallës së parë.

Ngjarja makabre është shënuar në Kamëz, ndërsa 3-vjeçari u dërgua më 24 prill në orën 12.00 në Spitalin e Traumës nga nëna dhe bashkëjetuesi i saj. Mjekët deklaruan se gjendja e vogëlushit ishte shumë e rëndë dhe se fëmija kishte ardhur me shenja dhune dhe fraktura në gjithë trupin.

Gruaja, A.Hoxha ndodhej tek fqinjët, ku prej disa muajsh punonte në familjen e tyre për pastrim dhe për t’u kujdesur për vajzën e tyre invalide.

Prej dy muajsh, A.Hoxha dhe bashkëjetuesi Alfred Kazanxhi jetonin me qira në një apartament në lagjen “Bulevardi Blu” në Kamëz, ndërsa më herët kishin jetuar në zonën e “Ali Demit” në Tiranë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat