Do e drejtojë PD me demokratët që e ndjekin me protesta? Si përgjigjet Basha pasi e gjuajtën me vezë

Shqipëria

Do e drejtojë PD me demokratët që e ndjekin me protesta? Si përgjigjet Basha pasi e gjuajtën me vezë

Më: 18 janar 2022 Në ora: 14:01
Lulzim Basha

Pas bashkëbisedimit me gocat dhe gratë në kuadër të procesit zgjedhor të LDGSH, Lulzim Basha është pyetur nga gazetarja e Top Channel se nëse do të vijojë të drejtojë Partinë Demokratike edhe pse demokratët e ndjekin kudo duke protestuar kundra tij.

Kryedemokrati Basha u shpreh shkurtimisht se: ‘syri sheh atë që do mendja’, ndërsa ka vijuar më tej komentin për aktivitetin e zhvilluar.

Pyetje: Zoti Basha kështu do vijoni ta drejtoni PD me demokratët që ju ndjekin me protesta ngado?

Basha: Syri sheh atë që do mendja, ndjen atë që do. Shpresoj ta keni ndjekur aktivitetin se ka qenë me gratë dhe shumica e gazetareve këtu janë gra, se gratë do jenë pjesë e ringritjes së fuqishme jo vetëm e PD, por edhe Shqipërisë.

Kujtojmë se, para se të zhvillonte takimin e sotëm me gratë dhe vajzat e Lëvizjes Demokratike të Gruas, mbështetësit e Berishës i kanë bërë ‘pritë’ Bashës jashtë lokalit ku ata ndodheshin.

Me thirrjet “Basha ik” dhe “Tradhtar, plehrë, o qelbësirë”, ata e kanë gjuajtur me vezë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat