Dy persona bëjnë për spital një tjetër, policia i kap me thikë dhe “tapë” në timon

Shqipëria

Dy persona bëjnë për spital një tjetër, policia i kap me thikë dhe “tapë” në timon

Më: 18 janar 2022 Në ora: 14:02
Foto ilustrim

Dy persona janë arrestuar nga policia e Elbasanit pasi kanë goditur me sende të forta një person me iniciale N.K. Ky i fundit ndodhet në spital jashtë rrezikut për jetën.

Gjatë kontrollit, njëri prej personave që ka sulmuar të dëmtuarin është konstatuar duke drejtuar automjetin në gjendje të dehur ndërsa brenda në makinë është gjetur edhe një thikë.

“Nga specialistët për Hetimin e Krimeve në Komisariatin e Policisë Elbasan u arrestuan në flagrancë shtetasit D. P., 43 vjeç dhe B. K., 26 vjeç, banues në Elbasan, pasi kanë goditur me sende të forta, për motive të dobëta, shtetasin N. K., i cili ndodhet jashtë rrezikut për jetën.

Gjatë kontrollit në mjetin që shtetasi D. P. e drejtonte në gjendje të dehur, u gjet dhe u sekuestrua një mjet prerës (thikë).  Materialet i kaluan Prokurorisë, për veprime të mëtejshme procedurale”, njofton policia.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat