Fshati merr "arratinë" Karbunara e Selenicës drejt braktisjes, mungesa e investimeve izolon zonën

Shqipëria

Fshati merr "arratinë" Karbunara e Selenicës drejt braktisjes, mungesa e investimeve izolon zonën

Më: 20 janar 2022 Në ora: 13:07
Ilustrim

Fshati Karbunar në bashkinë e Selenicës po shkon drejt braktisjes. Dikur kanë qenë 250 familje, ndërsa sot numërohen rreth 50 të tilla.

Por edhe ata që kanë vendosur të mos largohen janë kryesisht moshat e treta, ndërsa të rinjtë kanë zgjedhur të largohen migrojnë ose të emigrojnë.

"Me shtëpi në Vlorë, i kemi marrë shtëpitë por nuk ikim poshtë se mosha…se besojmë se jetojmë dot atje në Vlorë. Djemtë po, të ikur janë, të ardhme në Karbunarë jo."

"Këtu a janë 50 familje, a s'janë. Këto familje janë me nga 2 persona."

"Unë jetoj me gruan se djali iku, nuk kishte mundësi të jetonte me fëmijët këtu. Këtu është të vësh duart në kokë, të ulërish e të ikësh."

Mungesa e investimeve, është një nga arsyet kryesore të braktisjes. Banorët kërkojnë një rrugë që të mos ndihen të izoluar.

"S'kemi rrugë, jemi bllokuar."

"Ky është një fshat shumë i pasur po të kemi rrugë."

"Dua të rregulloj shtëpitë, nuk ka nga më vjen makina, pa rrugë."

Edhe uji i pijshëm është një tjetër shqetësim. Sipas banorëve investimi që është bërë së fundmi e ka përkeqësuar gjendjen.

"Uji i pijshëm vjen një herë në dy ditë, një orë."

Gjatë fushatave elektorale nuk kanë munguar premtimet e kandidatëve për deputet apo kryetar bashkie, por asgjë nuk ka ndryshuar , e premtimet kanë mbetur vetëm të tilla.

commentFirst article
Sot mund të lexoni Shfletoni kopertinat