E mbyti fqinjen dhe i hodhi trupin në kanal, gjykata jep masën e sigurisë për 58-vjeçarin!

Shqipëria

E mbyti fqinjen dhe i hodhi trupin në kanal, gjykata jep masën e sigurisë për 58-vjeçarin!

Më: 22 janar 2022 Në ora: 14:58
Fetah Marra

Fetah Marra, 58-vjeçari i arrestuar në Kuçovë për vrasjen dhe hedhjen në kanal të fqinjes 63-vjeçare, Fatime Suli, ka dalë ditën e sotme përpara togave të zeza. Pas një seance që zgjati 60 minuta, Gjykata e Beratit vendosi masën e sigurisë “arrest në burg” pa afat për 58-vjeçarin. Vendimi erdhi pas njohjes së gjyqtares me provat e raportit të organit të akuzës, ku kërkohej vlerësim i ligjshëm i arrestimit të tij.

Idris Kazazi, avokati i vrasësit, i caktuar nga shteti, ka deklaruar se vrasësi e ka pranuar krimin dhe ka shprehur pendesë. News 24 ka siguruar dëshminë e autorit në sallën e gjyqit, ku për faktin që gruaja u gjet gjysmë e zhveshur në kanal, vrasësi ka deklaruar se në momentin e tërheqjes zvarrë për ta hedhur në kanal, i janë hequr tutat.

Të shumta kanë qenë ditën e djeshme edhe reagimet e familjarëve, të afërmve dhe komshinjve të familjes Suli në fshatin Moravë, të cilët janë dyshues në lidhje me shkaqet e vërteta të vrasjes, duke shkuar edhe më tej kur akuzojnë vrasësin se mund të ketë dashur të abuzojë me gruan 63-vjeçe.

NGJARJA

Gruaja 64-vjeçare nuk ishte kthyer në banesë gjatë orëve të darkës si zakonisht. Kjo ka bërë që familjarët të jepnin alarmin duke lajmëruar Policinë. Forcat e rendit u vunë menjëherë në lëvizje, duke nisur kërkimet në zonë.

Gjatë orëve të vona, trupi i pajetë i gruas u gjet në një kanal gjysmë i zhveshur dhe i mbuluar me gjethe në lagjen “Havaleas”, vetëm 1 km larg banesës së saj.

Gruaja ishte e zhveshur nga mesi e poshtë.

Fillimisht u dyshua për një vdekje aksidentale, por Policia lokale nisi menjëherë hetimet, duke zbardhur edhe autorësinë e ngjarjes së rëndë.

Paraprakisht dyshohet se mbytja e gruas ka ardhur për shkak të një borxhi, por Policia lokale nuk përjashton edhe pista të tjera.

Ende nuk dihet se pse gruaja e vdekur u gjet e zhveshur në pjesën e poshtme të trupit.

“Falë veprimeve të shpejta dhe informacioneve të grumbulluara, u bë i mundur identifikimi dhe kapja e autorit të dyshuar të kësaj ngjarjeje.

Në vijim të veprimeve, nga specialistët e Seksionit për Hetimin e Krimit në Komisariatin e Policisë Kuçovë u bë arrestimi në flagrancë i shtetasit F. M., 58 vjeç, banues në fshatin Havaleas, Kuçovë, i cili dyshohet se për motive të dobëta, e ka mbytur dhe e ka lënë në një kanal shtetasen F. S., 64 vjeçe, banuese në fshatin Havaleas, Kuçovë”, sqaroi Policia lokale.

Grupi hetimor, nën drejtimin e Prokurorisë së Rrethit Gjyqësor Berat, vazhdon hetimet për zbardhjen e plotë të rrethanave të ngjarjes.

AUTOPSIA

Pas zbulimit të kufomës së 64-vjeçares, trupi i pajetë i gruas u dërgua në morgun e spitalit të qytetit, duke iu nënshtruar ekspertizës.

Ekspertët mjekoligjorë kanë konstatuar se Fatime Suli ka ndërruar jetë nga asfiksia si pasojë e mbytjes.

Shtetasi Fetah Narra e ka mbytur 64- vjeçaren me duar dhe pas këtij momenti e ka zhveshur nga mesi e poshtë.

Ekspertët kriminalistë nuk e kanë pasur të vështirë të zbulojnë shkakun e vdekjes së gruas për shkak të shenjave të duarve që i kishin mbetur në pjesën e fytit.

Pas krimit makabër, 58- vjeçari e ka hedhur trupin e gruas në një kanal rreth 1 km larg banesës së gruas. Pas arrestimit, edhe vetë 58-vjeçari ka pranuar autorësinë duke deklaruar se nuk e kuptonte se si e vrau.

“Më ngeli në dorë, s’e kuptova se si vdiq”, mësohet të ketë thënë ai.

commentFirst article
Sot mund të lexoni Shfletoni kopertinat