Të jetosh mes rrezikut, në Elbasan qytetarët e shqetësuar për praninë e eternitit: Shkakton kancer

Shqipëria

Të jetosh mes rrezikut, në Elbasan qytetarët e shqetësuar për praninë e eternitit: Shkakton kancer

Më: 7 shkurt 2022 Në ora: 13:05
Foto ilustrim

Prania e Eternitit është konsideruar si një ndër problematikat më të mëdha për shëndetin publik në vendin tonë, ndërsa sasia e madhe që gjendet në territor ende nuk është bërë e mundur që të hiqet. Shqetësuese situate paraqitet në Elbasan pranë kalasë ku ende ka prani të madhe të këtij materiali.

Eterniti është një material kancerogjen ndërsa është në listën e rreziqeve më të mëdha për shëndetin publik.

Edhe pse në vendin tonë ka pasur disa fushata  për heqjen e eternitit nga territori, prani e tij është ende shqetësuese.

Në zonën e Kalasë së Elbasanit ky material i dëmshëm për shëndetin gjendet me shumicë.

Banorët shprehen të shqetësuar ndërsa apelojnë për heqjen e tij.

"Patjetër që duhet të merren masa, ose të prishen fare, ose t'i eksportojnë ato mbeturinat. E dinë ata të ambientin."

"Nuk lejohet se shkakton kancer."

"Janë shqetësuese dhe janë dëmtim për shëndetin tonë dhe të fëmijëve."

Edhe ambientalistët ngrenë alarmin e pranisë së eternitit ndërsa Sipas tyre ai është faktori kryesor i sëmundjeve në mushkëri.

"Prej mushkërive edhe në gjak, por mbi të gjitha mushkëritë i dëmton. Një pjesë e madhe e sëmundjeve të mushkërive janë pasojë e përdorimit të eternitit vend e pa vend. Edhe kur u kuptua që është i rrezikshëm ai vazhdon edhe sot të mbijetojë."

Edhe pse ky shqetësim është mjaft I dukshëm, duket se as institucionet por as qytetarët nuk kanë bërë sa duhet për ta eliminuar këtë rrezik.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat